اسلام آباد(این این آئی)وزارت خزانہ نے کہا ہے کہ مالی سال کے وسط میں بجٹ میں کسی ایڈجسٹمنٹ کے جواز کا سوال ہی پیدا نہیں ہوتا ہے۔جاری بیان میں وزارت خزانہ نے کہا کہ ملکی معاشی صورتحال مالیاتی پالیسیوں کے موثر ہونے کی عکاس ہے، مالیاتی استحکام کی راہ ہموار ہو گئی ہے۔وزارت خزانہ نے کہا کہ مالی سال کے وسط میں بجٹ میں کسی ایڈجسٹمنٹ کے جواز کا سوال ہی پیدا نہیں ہوتا ہے۔اعلامیے میں کہا گیا کہ آئی ایم ایف نے بھی معاشی اشاریوں سے متعلق اپنی پیش گوئیوں پر نظرثانی کی ہے۔وزارت خزانہ کے اعلامیے میں کہا گیا کہ آئی ایم ایف کے اندازے اور تخمینے وزارت خزانہ کے معاشی تخمینوں سے قریب تر ہوگئے ہیں۔اعلامیے کے مطابق افراط زر 10اعشاریہ 2فیصد کے حکومتی تخمینے کے برعکس بہتر معاشی پالیسیوں سے 9اعشاریہ 2فیصد رہا۔وزارت خزانہ کے اعلامیے میں کہا گیا کہ صرف ایک فیصد فرق کو غیر یقینی عالمی معاشی ماحول کے تناظر میں معمولی کہا جا سکتا ہے۔