لاہور (این این آئی)جیسن گلیسپی دورہ آسٹریلیا کے لیے کوچ ہوں گے، جہاں وہ ہیڈکوچ کی ذمے داریاں نبھائیں گے اس حوالے سے پی سی بی نے بتایا کہ جیسن گلسپی کو دورہ آسٹریلیا کے لیے کوچ مقرر کر دیا ہے۔واضح رہے کہ پاکستان وائٹ بال ٹیم کے ہیڈ کوچ گیری کرسٹن نے استعفیٰ دے دیا ہے۔ذرائع کے مطابق پی سی بی سے اختلافات کے بعد گیری کرسٹن نے استعفیٰ دینے کا فیصلہ کیا۔پاکستان کے وائٹ بال ہیڈ کوچ گیری کرسٹن اور پاکستان کرکٹ بورڈ کے تعلقات خراب ہو گئے تھے۔گیری کرسٹن نے اپنی باتیں نہ ماننے کی صورت میں ٹیم کے ساتھ آسٹریلیا نہ جانے کی دھمکی دی تھی، جس کے بعد پی سی بی اپنے موقف پر ڈٹ گیا تھا۔
