اسلام آباد(این این آئی)سپریم کورٹ کے سینئر وکیل حامد خان نے کہا ہے کہ توقع ہے جسٹس یحییٰ آفریدی چیف جسٹس بننے کی پیشکش قبول نہیں کریں گے۔نجی ٹی وی کے پروگرام میں گفتگو کے دوران حامد خان نے کہا کہ آؤٹ آف ٹرن دو بار چیف جسٹس تعینات کیے گئے جس سے ملک کا بڑا نقصان ہوا۔انہوں نے کہاکہ ہم وکلا کے ساتھ مل کر نئے چیف جسٹس کیلئے اس تعیناتی کے خلاف تحریک چلائیں گے، توقع ہے جسٹس یحییٰ آفریدی اس پیشکش کو قبول نہیں کریں گے۔سپریم کورٹ کے سینئر وکیل نے کہا کہ یہ اقدام عدالت عظمیٰ کو تقسیم کرنے کیلیے کیا گیا ہے، وکلاء میں اگر کوئی تقسیم ہوئی تو بار کے اگلے الیکشن میں سامنے آجائے گی۔