اسلام آباد (این این آئی) سابق وفاقی وزیر سردار یار محمد رند کا ملک کا نام روشن کرنے پر قومی ہیرو شاہ زیب رند کو 25ایکٹر زمین اور ایک لاکھ انعام دینے کا اعلان کردیا۔
کراٹے کومبیٹ ورلڈ چیمپین شاہ زیب رند نے اسلام آباد میں سابق وفاقی وزیر سردار یار محمد رند سے ملاقات کی جس میں دنیا میں ملک کا نام روشن کرنے پر سابق وزیر نے مبارکباد دی۔ میڈیا سے گفتگو کرتے ہوے یار محمد رند نے کہا کہ قومی ہیرو کا اسلام آباد آمد پر جیسا استقبال کیا گیا اس پربہت دکھ ہوا، شاہ زیب رند کی جیت پر بہت خوشی ہوئی، ایسا لگا جیسے میرا اپنا بیٹا جیت کر آیا ہے۔
انہوں نے کہاکہ پہلے بھی نوجوانوں کو سپورٹ کیا آئندہ بھی کرتا رہوں گا۔ انہوں نے کہاکہ پاکستان کی اور بلوچستان کی کھیلوں کی وزارت کدھر ہے۔وزیر اعلیٰ بلوچستان کی اب تک شاہ زیب رند پہ نظر کیوں نہیں پڑی۔ ورلڈ چیمپئین شاہ زیب رند نے کہا کہ اپنی محنت اور حکومتی دد کے بغیر ورلڈ چیمپئن بنا۔ پہلی مرتبہ ایسا ہوا کہ کوئی پاکستانی ورلڈ چیمپئن بنا، سردار یار محمد رند نے ہمیشہ مجھے سپورٹ کیا۔
انہوں نے کہاکہ پہلی مرتبہ ایسا ہوا کہ کوئی پاکستانی ورلڈ چیمپئن بنا یہ پاکستانی سمجھ کر مجھے اہمیت نہیں دے رہے تھے میں نے ٹائٹل جیتنے اور ملک کا نام روشن کرنے کیلئے بہت محنت کی،خواہش ہے کہ ملک کا نام مزہد روشن کروں،خواب ہے کہ باصلاحیت لڑکوں کو لے کر آگے آؤں، بلوچستان میں اکیڈمی بنانا چاہتا ہوں۔ اس موقع پر یار محمد رند نے ملک کا نام روشن کرنے پر 25ایکٹر زمین اور ایک لاکھ انعام دینے کا اعلان بھی کیا۔
