اسلام آباد (این این آئی)پاکستان اور انگلینڈ ٹیسٹ سیریز کے شیڈول کا اعلان ایک دو روز میں متوقع ہے۔انگلش ٹیم یکم اکتوبر کو پاکستان کے دورے پر روانہ ہو گی، پاکستان اور انگلینڈ کے درمیان پہلا ٹیسٹ 7 اکتوبر سے شیڈول ہے۔ذرائع کے مطابق تعمیراتی کام کی وجہ سے نیشنل اسٹیڈیم کراچی ٹیسٹ میچ کا وینیو نہیں رہا،
پی سی بی نے ملتان اور راولپنڈی میں ٹیسٹ کرانے کا فیصلہ کیا ہے۔پی سی بی پہلے 2 ٹیسٹ ملتان میں کرانے کی ورکنگ کر رہا ہے جبکہ پہلا اور تیسرا ٹیسٹ راولپنڈی میں کرانے کا آپشن بھی رکھا گیا ہے۔میڈیا رپورٹس کے مطابق انگلینڈ کرکٹ ٹیم کے کپتان بین اسٹوکس کا دورہ پاکستان سے قبل ہیم اسٹرنگ انجری کا اسکین ہو گا۔واضح رہے کہ بین اسٹوکس گزشتہ ماہ انجری کا شکار ہوئے تھے اور سری لنکا کے خلاف سیریز نہیں کھیل سکے تھے۔
