کراچی (این این آئی)گلوکارہ شازیہ منظور نے بجلی کا بل کم لانے کا نسخہ بناتے ہوئے کہا ہے کہ دیوا جلائیں اور بتیاں بجھا دیں۔ میڈیا رپورٹ کے مطابق گلوکارہ شازیہ منظور کی سوشل میڈیا پر ایک دلچسپ ویڈیو وائرل ہورہی ہے جس میں وہ بجلی کے بل سے متعلق پوچھے گئے سوال پر جواب دے رہی ہیں۔
گلوکارہ نے کہا کہ یہ سوال بہت مشکل ہے، میرا اتنا زیادہ بل نہیں آیا۔شازیہ منظور نے اپنا مشہور گانا بتیاں بجھائی رکھ دی، دیوا بلے ساری رات میرے ہانیا گاتے ہوئے کہا کہ مجھے اس لیے زیادہ بل نہیں آیا ہے۔انہوں نے صارفین کو مخاطب کرتے ہوئے کہا کہ اگر آپ بھی چاہتے ہیں کہ آپ کا بجلی کا بل بھی کم آئے تو میرا یہ گانا لگائیں، اس سے کچھ سیکھیں، دیوا جلائیں اور بتیاں بجھا دیں۔شازیہ منظور نے کہا کہ اسی طرح بجلی کا بل کم آ سکتا ہے اور کوئی راستہ نہیں ہے۔
