اسلام آباد (این این آئی)سابق وزیرِ خزانہ مفتاح اسماعیل نے آئندہ مالی سال کے بجٹ کے حوالے سے کہا ہے کہ صوبوں اور وفاق میں ترقیاتی بجٹ کم کر دیتے تو زیادہ ٹیکس نہ لگانا پڑتا۔

نجی ٹی وی سے گفتگو میں انہوں نے کہا کہ اس مرتبہ ساڑھے تین، چار ہزار ارب روپے ٹیکس زیادہ لینا ممکن نظر نہیں آتا۔سابق وزیرِ خزانہ مفتاح اسماعیل نے کہا کہ بجلی کی قیمتیں جتنی زیادہ ہیں اس سے کھپت کم ہو جاتی ہے، لوگ سولر سسٹم بھی لگا رہے ہیں، وہ صارف بھی آپ کے سسٹم سے نکل جاتے ہیں۔انہوںنے کہاکہ غریب لوگوں پر ٹیکس لگاتے جائیں گے تو مزید لوگ خطِ غربت سے نیچے چلے جائیں گے۔