لاہور ( این این آئی) پنجاب میں 9مئی کے مقدمات میں مطلوب 320ملزمان کی گرفتاری کے لیے بڑے پیمانے پر کریک ڈائون کا فیصلہ کر لیا گیا ۔ آپریشنز، انویسٹی گیشن اور آرگنائزڈ کرائم یونٹ کو مطلوب ملزمان کی گرفتاری کے لیے ٹاسک سونپ دیا گیا ہے۔

320ملزمان میں پرانے اور نئے نامزد افراد شامل ہیں۔پولیس کے مطابق 100سے زیادہ اشتہاری قرار دیئے گئے ملزمان بھی مطلوب افراد کی فہرست میں شامل ہیں۔ مطلوب ملزمان میں متعدد خیبرپختونخوا میں پناہ لیے ہوئے ہیں۔ خیبرپختونخوا میں چھاپہ مار کارروائی کے دوران مزاحمت کے خدشات ہیں۔ پہلے مرحلے میں لاہور سمیت پنجاب کے اضلاع میں موجود افراد کی گرفتاریاں کی جائیں گی۔