کراچی (این این آئی)اسلام آباد جانے والی نجی ایئر لائن کی پرواز نے کراچی ایئرپورٹ پر ہنگامی لینڈنگ کی ہے۔ذرائع کے مطابق پرواز میں گورنر سندھ کامران ٹیسوری فیملی کے ہمراہ اور دیگر 150مسافر تھے۔
ذرائع نے بتایا کہ طیارے میں اڑان بھرنے کے فوری بعد اچانک تکنیکی خرابی پیدا ہوئی جس کے بعد پائلٹ نے کراچی ایئر ٹریفک کنٹرول سے فوری ہنگامی لینڈنگ کی اجازت طلب کی۔ذرائع کے مطابق پرواز کی ہنگامی لینڈنگ کے بعد اسے منسوخ کردیا گیا۔
