راولپنڈی(این این اآئی)سیکیورٹی فورسز نے صوبہ خیبر پختونخوا میں 26اور 27مئی کو 2آپریشنز میں 17دہشت گردوں کو ہلاک کردیا۔آئی ایس پی آر کے مطابق سیکیورٹی فورسز نے ضلع ٹانک میں کیے گئے ایک اور آپریشن میں دہشت گردوں کے ٹھکانے پر موثر کارروائی کی جس کے نتیجے میں 10دہشت گردوں ہلاک ہوگئے۔

دوسری جھڑپ ضلع خیبر کے علاقے باغ میں ہوئی جس میں سیکیورٹی فورسز نے 7دہشت گردوں کو ہلاک جب کہ دو دہشت گردوں کو زخمی کردیا۔فائرنگ کے شدید تبادلے کے دوران پانچ جوان شہید ہوگئے جن میں 32سالہ نائیک محمد اشفاق بٹ (ساکن ضلع کہوٹہ)، 30سالہ لانس نائیک سید دانش افکار (ضلع پونچھ)، 32سالہ سپاہی تیمور ملک (لیہ)، 22سالہ سپاہی نادر صغیر (باغ)اور 23سالہ سپاہی محمد یاسین (خوشاب)شامل ہیں۔مارے گئے دہشت گرد سیکورٹی فورسز کے ساتھ ساتھ عام شہریوں کے خلاف دہشت گردی کی متعدد کارروائیوں میں سرگرم رہے۔ ان کے قبضے سے بھاری مقدار میں اسلحہ، گولہ بارود اور دھماکہ خیز مواد بھی برآمد ہوا۔