کابل(این این آئی)افغانستان میں بارشوں کے بعد سیلاب نے تباہی مچادی، مختلف واقعات میں 70 افراد ہلاک اور کئی لاپتا ہوگئے۔برطانوی نشریاتی ادارے کی رپورٹ کے مطابق رواں ہفتے افغانستان کے شمالی اور وسطی علاقوں میں شدید بارشوں کے بعد سیلابی صورتحال ہے۔رپورٹ میں بتایا گیا ہے کہ افغان صوبیغور اور فاریاب میں بارشوں اور سیلاب کے باعث 70 افراد ہلاک ہوگئے جبکہ کئی افراد لاپتا ہیں۔
رپورٹ کے مطابق سیلاب سے 2 ہزار سے زائد مکانات بھی تباہ ہوگئے جبکہ 4 ہزار مکانات کو نقصان پہنچا ہے۔سیلابی صورتحال کے باعث شہریوں نے بڑی تعداد میں نقل مکانی بھی شروع کر دی ہے۔ایک افغان شہری نے بتایا کہ خوفناک سیلاب سب کچھ بہا کر لے گیا، میں اور میرا خاندان حکام کی طرف سے مسجد کے لاڈ اسپیکر سے اعلان ہونے کے بعد گھر بار چھوڑ کر حفاظتی مقام کی جانب نقل مکانی کر گئے۔
