راولپنڈی(این این آئی) پاک فوج کے سربراہ جنرل سید عاصم منیر نے ہاکی ٹیم کی شاندار کارکردگی پر تعریف کرتے ہوئے کہا ہے کہ ہاکی ٹیم نے قوم کے لیے بے پناہ فخر کا کام کیا ہے، ہم ان کی مسلسل کامیابی کو یقینی بنانے کے لیے جامع تعاون فراہم کرنے کے لیے پرعزم ہیں۔ آئی ایس پی آر کے مطابق آرمی چیف جنرل سید عاصم منیر نشان امتیاز (ملٹری) نے جنرل ہیڈ کوارٹرز راولپنڈی میں پاکستان ہاکی ٹیم کا استقبال کیا۔
اجلاس میں پاکستان ہاکی فیڈریشن کے صدر طارق حسین اور پی ایچ ایف کے دیگر عہدیداران نے بھی شرکت کی۔ بات چیت کے دوران آرمی چیف نے ٹیم کی شاندار کارکردگی پر تعریف کرتے ہوئے کہا کہ ہاکی ٹیم نے قوم کے لیے بے پناہ فخر کا کام کیا ہے، اور ہم ان کی مسلسل کامیابی کو یقینی بنانے کے لیے انہیں جامع تعاون فراہم کرنے کے لیے پرعزم ہیں۔انہوں نے کھلاڑیوں کے مستقبل کے لیے نیک خواہشات کا اظہار بھی کیا۔ پی ایچ ایف کے صدر نے ٹیم سے ملاقات اور بات چیت کے موقع پر آرمی چیف کا شکریہ بھی ادا کیا۔
