لاہور(این این آئی)پاکستان کرکٹ ٹیم کے کپتان بابر اعظم نے کہا ہے کہ ذاتی فیصلے نہیں ہو رہے، سات سلیکٹرز ہیں، سب کی مشاورت سے فیصلے ہوئے ہیں،جو ٹیم کے لیے بہترین ہو گا وہ کریں گے ، ٹیم کی ترجیح پہلے ہوتی ہے، یہ میرا، رضوان، صائم اور فخر کے ٹاپ آرڈر کا معاملہ نہیں،میرے لئے تمام کھلاڑی اہم ہے، امیدرکھنی چاہیے، ہماری پوری کوشش ہوتی ہے کہ قوم کی امیدٹوٹنے نہ پائے، کرکٹ پوری قوم کوایک پیج پرلاتی ہے، ہم اپنابہترسے بہترکرنے کی کوشش کرتے ہیں۔

ان خیالات کااظہار انہوں نے پی سی بی ہیڈ کوارٹر قذافی سٹیڈیم میں پریس کانفرنس کرتے ہوئے کیا ۔ کپتان بابر اعظم نے کہا کہ جوٹیم کے لئے بہتر ہوگاوہ کریں گے میرے لئے تمام پندرہ کھلاڑی اہم ہیں میچزمیں پچ کے مطابق پلاننگ کریں گے،ہر میچ میں 200 رنز نہیں ہوتے کنڈیشن دیکھنا پڑتی ہیں، ہم وہاں جاکر دیکھیں گے یہ کیا صورتحال ہے۔ انہوں نے کہا کہ کسی کے ساتھ زیادتی نہیں ہورہی سب سے ہم نے مشاورت کی ہے جوکھلاڑی ٹیم کے لئے بہترتھے انکو ٹیم میں شامل کیاگیاہے،

محمدحارث کوپی ایس ایل میں موقع ملا الیکن وہ اچھی کارکردی نہ دکھاسکے اس وقت فخرزمان، صائم ایوب اورمحمدرضوان بہترپرفارم کررہے ہیں محمدحارث کی ٹاپ آڈرمیں جگہ نہیں بن ، ماضی میں جو ہوگیا وہ ہوگیا، پہلے ٹرافی نہیں جیت سکے تھے مگر اس مرتبہ اعتماد اور یقین ہے کہ ٹرافی ہم لے کر آئیں گے۔ انہوں نے بتایا کہ عامر جمال کو تھوڑا وقت لگے گا، جتنا کھیلے گا اتنا ہی سیکھے گا، عامر جمال کی ٹی ٹوئنٹی کرکٹ میں پرفارمنس ہے۔

انہوں نے مزید کہا کہ حارث روف پر واپسی کا پریشر ہے، لیکن اس نے جلدی ریکور کرلیا،حارث روف کی ٹی ٹوئنٹی میں بہترین پرفارمنسز ہے۔بابراعظم نے کہا حسن علی کو بیک اپ کے طور پر شامل کیا گیا ہے، حسن علی کے بارے میں سلیکٹرز کلیئر کرچکے ہیں، اس کے پاس تجربہ ہے، سب سلیکٹرز نے مل کر یہ فیصلہ کیا ہے، سلیکشن میں کسی پلیئر کے ساتھ زیادتی نہیں کی گئی۔ہمارافوکس صرف جیت ہے ،یقین ہے ورلڈکپ جیت کرلائیں گے کھلاڑی آپس میں یہہی باتیں کررہے ہیں کہ ورلڈکپ کیسے جیتیں؟صرف ویرات کوہلی کے خلاف پلاننگ نہیں کررہے بلکہ ہم پوری بھارتی ٹیم کے خلاف منصوبہ بندی کریں گے ۔

انہوں نے مزیدکہا کہ کوچ گیری کرسٹن سے بات چیت چل رہی ہے، ان کا بہت تجربہ ہے، ان کو پتا ہے کہ ہمارا لائن اپ کیا ہے، گیری کرسٹن کا اسائنمنٹ جیسے ہی ختم ہوگا وہ ہمارے ساتھ ہوں گے، ہم گیری کرسٹن کو تمام تر اپڈیٹس دے رہے ہیں، جتنی جلدی وہ ہمارے ساتھ ہونگے اتنا ہی بہتر ہوگا۔گیری کرسٹن ابھی سے ٹیم کے معاملات میں دلچسپی لے رہے ہیں، انہوں نے کہا کہ نیویارک کی کنڈیشنز کے مطابق پلان کریں گے، ویرات کوہلی ایک بہترین کھلاڑی ہے اسی کے مطابق پلان کریں گے، بھارت کے خلاف ہی نہیں تمام میچز میں بیسٹ کمبی نیشن کے ساتھ جائیں گے۔

ہر ٹیم کے لیے پلان ہوتا ہے کسی ایک کھلاڑی یا ٹیم کا پلان نہیں ہوتا۔ بابر اعظم کا کہنا ہے کہ آئرلینڈ اور انگلینڈ میں کوشش ہو گی ورلڈ کپ اسکواڈ کو میدان میں اتاریں، روٹیشن کے لیے ٹائم کم ہے اب وہی کھیلیں گے جو ہم ورلڈ کپ کے لیے پلان کر رہے ہیں۔محمدعلی کے بار میں گفتگوکرتے ہوئے انہوں نے کہا کہ محمد علی نیو بال کے بولر ہیں، ملتان سے باہر نکل کر انہیں تھوڑی مشکل ہوئی انہیں ابھی تھوڑا وقت درکار ہے، اْمید نہیں تھی کہ حارث رؤف اتنی جلدی فٹ ہو جائیں گے، ان کی فٹنس اچھی ہے،

عامر جمال فائن آل راؤنڈر ہے، ٹیم کے لیے جو بیسٹ تھا وہ سلیکٹ کیاحسن علی کے حوالے سے گفتگوکرتے ہوئے کہاکہ کہ انہیں بیک اپ کے طورپرشامل کیاگیا ہے وہ15کھلاڑیوں میں شامل نہیں ہیں زمان خان بہترین باؤلرہے ہمارے پاس نئی گیندکے تین سے چاربولرہیں تمام 7چیف سلیکٹرزکی رائے کے بعد حسن علی سلیکٹ ہوا۔ہم نے ذاتی نہیں سب کی مشاورت سے فیصلے کئے ہیں۔ایک سوال کا جواب دیتے ہوئے انہوں نے کہا کہ ہر میچ میں 200رنز نہیں ہوتے کنڈیشن دیکھنا پڑتی ہیں، ہم وہاں جاکر دیکھیں گے یہ کیا صورتحال ہے۔ ہم پر امید ہیں، امید ہمیشہ ہی رکنی چاہیے، ہم میچ جیت کر قوم کو خوشیاں دینا چاہتے ہیں، کرکٹ پاکستان کو جوڑتی ہے، سب ایک پیج پر ہوتے ہیں۔