نئی دہلی(این این آئی)بھارتی کرکٹ بورڈ بی سی سی آئی کے نائب صدر راجیو شکلا نے کہاہے کہ چیمپئنز ٹرافی 2025 کیلئے بھارتی ٹیم کے پاکستان جانے کا فیصلہ حکومت کرے گی۔میڈیا سے گفتگو میں راجیو شکلا نے کہا کہ چیمپئنز ٹرافی میں ابھی وقت ہے۔
انہوں نے کہاکہ چیمپئنز ٹرافی پر ہم وہی کریں گے جو حکومت ہمیں کہے گی،بھارتی ٹیم اسی وقت پاکستان بھیجیں گے جب حکومت اجازت دے گی۔خیال رہے کہ آئی سی سی چیمپئنز ٹرافی 2025 پاکستان میں شیڈول ہے جبکہ پاکستان کرکٹ بورڈ (پی سی بی) ایونٹ کا مجوزہ شیڈول آئی سی سی کو بھیج چکا ہے۔
