مانانوالہ(این این آئی)ڈسٹرکٹ جیل انتظامیہ کی غفلت اور لاپرواہی سے قیدی جان کی بازی ہار گیا عباس نامی قیدی طبیعت خراب ہونے کی وجہ سے جیل انتظامیہ سے کئی روز تک ہسپتال لے جانے کے لیے منت سماجت کرتا رہا قیدی دل کے مسئلے اور سینے میں درد کی کئی روز تک تک جیل انتظامیہ سے شکایت کرتا رہا مگر کسی نے نہ سنی ،
طبیعت ناساز ہونے پر ڈی ایچ کیو ہسپتال منتقل کیا گیا مگر حالت مزید بگڑنے پر لاہور ریفر کر دیا گیا عباس میو ہسپتال لاہور میں دم توڑ گیا عباس علی ننکانہ صاحب کا رہائشی تھا اور 302 کے کیس میں جیل میں قید تھا، لواحقین نے مطالبہ کیا ہے کہ جیل انتظامیہ کی غفلت اور لا پرواہی پر اعلی حکام فوری طور پر نوٹس لے اور ذمہ داران کے خلاف کارروائی کریں۔
