لاہور( این این آئی)لاہور ہائیکورٹ نے رمضان راشن بیگ سے نواز شریف کی تصویر فوری ہٹانے کی استدعا مسترد کردی۔لاہور ہائیکورٹ کے جج جسٹس شاہد کریم نے راشن بیگ سے نواز شریف کی تصویر ہٹانے کی درخواست پر سماعت کی۔ وکیل درخواست گزار نے موقف اپنایا کہ سرکاری خزانے کو ذاتی تشہیر کیلئے استعمال نہیں کیا جا سکتا،
اس طرح آٹے کی تقسیم شہریوں کے وقار کے منافی ہے۔درخواست گزار نے عدالت عالیہ سے استدعا کی کہ راشن بیگ پر مسلم لیگ (ن) کے قائد کی تصویر شائع کرنے سے روکا جائے، آٹے کی تقسیم کیلئے شہریوں کی عزت نفس مجروح نہ کرنے کا حکم دیا جائے، پنجاب حکومت کو بینظیر انکم سپورٹ کے ذریعے رقم شہریوں کے گھروں میں پہنچانے کا حکم دیا جائے۔عدالت نے رمضان پیکیج راشن بیگ سے نواز شریف کی تصویر فوری ہٹانے کی استدعا مستردی کرتے ہوئے پنجاب حکومت کو نوٹس جاری کرکے جواب طلب کر لیا۔
