کراچی(این این آئی) انٹرنیشنل کارگو سروس کمپنی نے ایک سال سے بند امپورٹ ایکسپریس اور آئوٹ بائونڈ سروس شروع کرنے کا اعلان کر دیاہے۔تفصیلات کے مطابق ڈالر مسائل کے باعث کمپنی نے گزشتہ سال انٹرنیشنل سروس بند کردی تھی، نئی حکومت بننے کے بعد ملک میں موجود غیر ملکی سرمایہ کار کمپنیوں کا اعتماد بحال ہوگیا،
انٹرنیشنل کارگو کمپنی نے سروس شروع کرنے کا اعلان کردیا۔کمپنی کی جانب سے جاری اعلامیے میں کہا گیا ہے کہ 15مارچ سے امپورٹ ایکسپریس اور آئوٹ بائونڈ 70 کلو گرام سروس دوبارہ شروع کی جارہی ہے، زیر التو ترسیلات زر میں بہتری کے بعد کمپنی نے سروس دوبارہ شروع کرنیکا فیصلہ کیا ہے۔اعلامیے کے مطابق صارفین کا موجودہ امپورٹ ایکسپریس اکائونٹ 15 مارچ 24 کو بحال ہو جائے گا، اکائونٹ بحال ہونے پر 70 کلو گرام سروس بھی فعال ہوجائے گی۔واضح رہے کہ امپورٹ سروس مکمل بند ہونے سے ڈینم انڈسٹری کو پریشانی کا سامنا کرنا پڑا ہے۔
