اسلام آباد(این این آئی)وفاقی وزیر عطا اللہ تارڑ نے وزارت اطلاعات و نشریات میں عہدے کا چارج سنبھال لیا۔ایک بیان میں عطا اللہ تارڑ نے کہا کہ وزارت اطلاعات کے دروازے صحافی برادری کیلئے کھلے رہیں گے۔
انہوں نے کہاکہ حکومت اور میڈیا کے درمیان تعلقات کو مزید مضبوط بنانے کی ضرورت ہے،حکومتی اقدامات اور پالیسیوں کو عوام تک پہنچانے کیلئے میڈیا کے ساتھ مل کر کام کریں گے۔عطا تارڑ نے کہاکہ میڈیا عوام اور حکومت کے درمیان پل کا کردار ادا کرتا ہے۔
