اسلام آباد (این این آئی)وفاقی حکومت نے سزا یافتہ خواتین اور بچوں کے لئے معافی کا اعلان کر دیا۔ معافی کا اعلان انسانی بنیادوں پر کیا گیا ۔ وزیراعظم کی منظوری کے بعد جاری نوٹیفیکیشن کے مطابق وزرات داخلہ نے چاروں صوبوں کو گائیڈ لائن جاری کر دی، دو سال یا کم سزا یافتہ عورتوں اور بچوں پر معافی کا اطلاق ہو گا،

قتل، جاسوسی، تخریب کاری، ریاست مخالف سرگرمیوں کے لیے سزا یافتہ قیدیوں پر اطلاق نہیں ہو گا۔ اغوا/اغوا، ڈکیتی، ڈکیتی اور زنا آرڈیننس، انسداد دہشت گردی ایکٹ، فارنرز ایکٹ اور کنٹرول آف نارکوٹک سبسٹنس (ترمیمی) ایکٹ کے تحت سزا پانے والوں کو معافی نہیں ہو گی۔وہ مرد قیدی جن کی عمر 65 سال یا اس سے زیادہ ہے اور وہ کم از کم ایک تہائی قید کی سزا سے گزر چکے ہیں ان کے لئے بھی معافی کا اعلان کیا گیا ۔ نوٹیفکیشن کے مطابق مالی غبن اور قومی خزانے کو نقصان پہنچانے کے مقدمات میں سزا یافتہ قیدی معافی کے حقدار نہیں ہوں گے۔