اسلام آباد (این این آئی)پاکستان مسلم لیگ (ن )کے صدر شہباز شریف کو قائد ایوان کے انتخاب سے قبل ہی وزیراعظم کی سکیورٹی فراہم کر دی گئی۔قومی اسمبلی کے اتوار کو ہونے والے اجلاس میں نئے قائد ایوان اور ملک کے نئے وزیراعظم کا انتخاب ہوا ۔

پاکستان مسلم لیگ (ن) کے صدر شہباز شریف ،مسلم لیگ( ن)، پیپلز پارٹی اور اتحادی جماعتوں کے امیدوار تھے جنہیں 201ووٹ ملے جبکہ ان کے مد مقابل سنی اتحاد کونسل کے عمر ایوب کو 92ووٹ حاصل پڑے ۔نجی ٹی وی کے مطابق قائد ایوان کے انتخاب سے قبل ہی شہباز شریف کو وزیراعظم کی سکیورٹی فراہم کر دی گئی ہے۔ذرائع کے مطابق شہباز شریف مکمل سکیورٹی حصار میں پارلیمنٹ ہائوس پہنچے جہاں انہوں نے اتحادی جماعتوں کے اراکین کے اعزاز میں ناشتے کا اہتمام کیا اور خطاب بھی کیا۔