کراچی(این این آئی)بینک آف امریکا نے پاکستان کے ڈالر بانڈ کا درجہ مارکیٹ ویٹ سے بڑھا کر ہیوی ویٹ کردیاہے۔بینک آف امریکا کے مطابق پاکستان کے ڈالر بانڈ کا بھائو مارکیٹ کے بھا ئوسے زیادہ ہے۔امریکی میڈیا ادارے بلوم برگ کے مطابق پاکستان کے ڈالر بانڈ میں عالمی سرمایہ کاروں کی دلچسپی میں اضافہ ہوا ہے، سیاسی بے یقینی ختم ہونے سے پاکستانی ڈالر بانڈ اچھا قرار دیا جانے لگا ہے۔
بلوم برگ کی رپورٹ میں کہا گیا ہے کہ پاکستان میں الیکشن نے سیاسی بے یقینی کم کی ہے، پاکستان کی ریٹنگ بہتر ہوسکتی ہے۔بلوم برگ کی رپورٹ کے مطابق پالیسی خدشات گزشتہ برس جیسے ہیں، آئی ایم ایف معاہدے سے وہ بھی ختم ہوں گے، پاکستان کے لیے نیا آئی ایم ایف پروگرام اعتماد بڑھائے گا۔بلوم برگ کی رپورٹ کے مطابق پاکستانی بانڈ کی قیمت پر ایس اینڈ پی کی ریٹنگ بہتری کی توقعات کا اثر بھی ہوگا، مارکیٹ کی نظریں البتہ کابینہ کے انتخاب پر رہیں گی، آئی ایم ایف شرائط پوری کرنے کی کابینہ اراکین کی صلاحیت پر نظریں رہیں گی۔رپورٹ کے مطابق سال 2026 کے لیے پاکستان کے بانڈ کا بھائو اس وقت 77 ڈالر ہے۔
