اسلام آباد(این این آئی)اسلام آباد ہائیکورٹ نے سائفر اور توشہ خانہ کیس میں بانی پی ٹی آئی عمران خان کی دونوں اپیلوں پر خصوصی بنچ تشکیل دے دیا۔
تفصیلات کے مطابق اسلام آباد ہائیکورٹ کے رجسٹرار ہائیکورٹ نے پیر کو عمران خان کی اپیلیں سماعت کیلئے مقرر کی ہیں جس پر چیف جسٹس عامر فاروق اور جسٹس میاں گل حسن اورنگزیب پر مشتمل خصوصی بینچ سماعت کرے گا۔اس کے علاوہ سائفر کیس میں شاہ محمود قریشی کی اپیلیں بھی پیر کو سماعت کیلئے مقرر کی گئی ہیں۔
