آپس میں مل بیٹھ کر مْلک کو اس ہیجانی کیفیت سے نکالیں،ملکی صورتِحال پر شاہد آفریدی کی فیصلہ سازوں سے اپیل

کراچی (این این آئی)پاکستان کرکٹ ٹیم کے سابق کپتان شاہد آفریدی نے ملکی صورتحال پر فیصلہ سازوں سے اپیل کی ہے کہ آپس میں مل بیٹھ کر مْلک کو اس ہیجانی کیفیت سے نکالیں۔ملکی موجودہ سیاسی صورتِ حال پر سابق کپتان نے سوشل میڈیا پر پیغام لکھا ہے کہ عام آدمی ہر روز کی ایک نئی کہانی سے تنگ آ گیا ہے، اْس کا مسئلہ مہنگائی اور بے روزگاری ہے۔شاہد آفریدی نے لکھا کہ فیصلہ سازوں سے ہاتھ جوڑ کر التماس ہے کہ آپس میں مل بیٹھ کر مْلک کو اس ہیجانی کیفیت سے نکالیں۔سابق کپتان نے لکھا کہ پہلے ہی بہت تماشہ بن گیا ہے، اب یہ وطن مزید صدمے برداشت نہیں کر سکتا، خدارا! اپنی آنے والی نسلوں اور اپنے ملک کے لیے سب ایک ہو جاؤ۔