سوات (این این آئی)سوات کے سیاحتی مقامات مالم جبہ اور کالام کے علاوہ وادی کاغان اور مری میں برفباری ہوئی جس کے باعث سردی کی شدت میں اضافہ ہوگیا تفصیلات کے مطابق مسلسل برفباری کے بعد سیاحتی مقامات میں ہر سو سفیدی چھاگئی، خوبصورت نظاروں سے لطف اٹھانے سیاحوں نے سوات کا رخ کرلیا۔میدانی علاقوں مینگورہ اور دیگر علاقوں میں بارش کا سلسلہ بھی جاری رہا۔

اسی طرح ایبٹ آباد شہر میں بارش اور پہاڑوں پر برفباری کا سلسلہ جاری رہا جس کے بعد بالائی علاقوں میں درجہ حرارت نقطہ انجماد سے گرگیا، مقامی لوگ انگیٹھیاں جلاکر سردی کی شدت دور کرنے پر مجبور ہوئے۔ویدر اپڈیٹس کے مطابق کوائی کاغان وادی میں وقفے وقفے سے برف باری ہو ئی۔ویدر اپڈیٹس نے سماجی رابطے کی ویب سائٹ ایکس پر بتایا کہ ملکہ کوہسار مری میں بھی ہلکی برفباری کا سلسلہ شروع ہو گیا ہے۔