ریاض(این این آئی)سعودی محکمہ موسمیات کا بتانا ہے کہ جدہ، مکہ مکرمہ، طائف اور مدینہ منورہ سرد ہوائوں کی لپیٹ میں ہیں۔غیرملکی خبررساں ادارے کے مطابق سعودی محکمہ موسمیات نے بتایاکہ تبوک، عسیر اور الباحہ میں بھی سرد ہوائیں چل رہی ہیں۔
جمعے تک سعودی عرب کے بیشتر علاقوں میں موسم غیر یقینی رہے گا جبکہ گرد آلود، تیز ہوائوں اور برفباری کا بھی امکان ہے۔موسمی صورتحال کے باعث سعودی محکمہ تعلیم کا کہنا تھا کہ غیر یقینی موسمی حالات کے پیشِ نظر تعلیم کا سلسلہ آن لائن ہوگا جبکہ الباحہ اور عسیر ریجن میں النماص اور بلقرن کے تمام تعلیمی ادارے بند رہیں گے۔
