پشاور (این این آئی)خیبر پختونخوا کے شہر پشاور میں 15 روز کے لیے دفعہ 144 نافذ کردی گئی۔صوبائی دارالحکومت کی انتظامیہ نے دفعہ 144 کی خلاف ورزی کی صورت میں سخت کاررروائی کا عندیہ دیا ہے۔

انتظامیہ کی جانب سے جاری اعلامیے میں کہا گیا کہ شہر دفعہ 144 15 روز کے لیے نافذ کی گئی ہے، اس دوران ہر قسم کا اسلحہ ساتھ لے کر چلنے پر پابندی عائد رہے گی۔اعلامیے کے مطابق اس دوران لائسنس یافتہ ہتھیاروں کی نمائش پر بھی پابندی ہوگی۔