لندن(این این آئی)برطانوی پروڈیوسر اور سابق وزیراعظم عمران خان کی سابقہ اہلیہ جمائما گولڈ اسمتھ نے پی ٹی آئی کی انتخابی مہم کیلئے بیٹے کے نام سے بنائے جانے والے جعلی سوشل میڈیا اکائونٹ سے خبردار کر دیا۔
جمائما گولڈ اسمتھ نے سوشل میڈیا پر بیان جاری کرتے ہوئے کہاکہ پی ٹی آئی کی انتخابی مہم کیلئے ہمارے بیٹے کے نام سے بنائے جعلی ایکس اکائونٹ سے کوئی تعلق نہیں ہے۔انہوں نے اپیل کی کہ فالو کرنے والے جعلی ایکس اکائونٹ سے متعلق رپورٹ کریں۔واضح رہے کہ جعلی اکائونٹ جمائما گولڈ اسمتھ کے بیٹے قاسم خان کے نام سے چلایا جا رہا ہے۔
