مانسہرہ (این این آئی)مسلم لیگ (ن )کے قائد نواز شریف کے قومی اسمبلی کے حلقہ این اے 15 سے کاغذاتِ نامزدگی منظوری کے خلاف اپیل سماعت کے لیے منظور کرلی گئی۔اعظم سواتی نے نواز شریف کے کاغذات نامزدگی کی منظوری کو چیلنج کیا ہے جس پر عدالت کی طرف سے نواز شریف کو جمعہ کیلئے نوٹس جاری کردیا گیا ہے۔کیس کی سماعت جمعہ کو الیکشن ٹربیونل کے سربراہ جسٹس کامران حیات کریں گے۔اعظم سواتی کی طرف سے سردار بشارت ایڈووکیٹ نے اپیل دائر کی تھی۔