راولپنڈی (این این آئی)عوامی مسلم لیگ کے سربراہ اور سابق وفاقی وزیر شیخ رشید احمد نے کہا ہے کہ میرے مولا نے چاہا تو راولپنڈی میں قلم دوات کی کامیابی تاریخ ہوگی۔سماجی رابطے کی ویب سائٹ پر جاری بیان میں انہوںنے کہاہک میں اپنی ماؤں، بہنوں، علما اور راولپنڈی کے بزرگوں کا شکر گزار ہوں کہ سازش تیار کی گئی تھی کہ حلقہ این اے 56، این اے 57 میں مجھے نااہل قرار دے دیا جائے۔
انہوں نے کہا کہ وہ مرزا وقاص رؤف کی درخواست جسٹس صاحب نے بری طرح ناکام کر کے ردی کی ٹوکری میں پھینک دی ہے، اور یہ طے پایا ہے کہ شیخ رشید حلقہ 56 اور 57 میں لڑنے کا اہل ہے۔انہوںنے کہاکہ نسلی اور اصلی ہوں، کبھی کسی کے خلاف بیان نہیں دیا، کسی کی عزت سے نہیں کھیلا، راولپنڈی کے لوگوں نکلو، آپ نے قلم دوات پر مہر لگا کر تاریخی کامیابی حاصل کرنی ہے۔شیخ رشید احمد نے کہا کہ میرے مولا نے چاہا تو راولپنڈی میں قلم دوات کی کامیابی تاریخ ہوگی۔
