راولپنڈی(این این آئی)سابق چیئرمین پاکستان تحریک انصاف بیرسٹر گوہر خان نے پشاور ہائی کورٹ کے فیصلے کے خلاف سپریم کورٹ جانے کا اعلان کردیا۔اڈیالہ جیل کے باہر میڈیا سے گفتگو کرتے ہوئے انہوں نے کہاکہ فیصلے کے خلاف جمعرات کو ہی سپریم کورٹ سے رجوع کریں گے، اب کرپشن اور ہارس ٹریڈنگ کی بنیاد رکھیں گے، جو بھی جیتے گا تاہم جمہوریت کی ہار ہوگی، ہمیں سیاسی انتقام کا نشان بنایا جارہا ہے،

غلط فہمی ہے کہ الیکشن کمیشن کو نہیں سنا گیا۔انہوں نے بتایا کہ سپریم کورٹ کہہ چکی ہے کہ انتخابی نشان واپس لینا پارٹی کو ختم کرنے کے مترادف ہے، امید ہے سپریم کورٹ سے بلے کا نشان واپس مل جائے گا، شفاف الیکشن نہ ہوئے تو عالمی مالیاتی ادارے (آئی ایم ایف) کے معاہدے سمیت معیشت پر برا اثر پڑے گا، بلے کا نشان بحال نہ ہوا تو ہر امیدوار آزاد لڑے گا، انڈر 19 سے الیکشن لڑین گے تاہم میدان نہیں چھوڑیں گے، یہ انڈر 19 سے بھی ڈرے ہوئے ہیں، انتخابی نشان نہ ملا تو پلان بی پر عمل کریں گے۔