اسلام آباد (این این آئی)ملک کے اکثر علاقوں میں موسم سرد اور خشک رہنے کا امکان ہے ۔ محکمہ موسمیات کے مطابق شمالی علاقوں میں موسم شدید سرد اور مطلع جزوی ابر آلود رہے گا۔گلگت بلتستان اور بالائی خیبر پختونخوا میں چند مقامات پر ہلکی بارش اور پہاڑوں پر ہلکی برف باری ہوسکتی ہے۔
دوسری جانب سندھ اور پنجاب کے میدانی علاقے شدید دھند کی لپیٹ میں رہے جس کے باعث متعدد موٹرویز بند کردی گئیں۔سندھ اور پنجاب کے میدانی علاقے شدید دھند کی لپیٹ میں ہیں جس کے باعث متعدد موٹرویز بند کردی گئیں۔موٹروے ایم 2 فیض پور سے رجانہ تک، موٹروے ایم 3 لاہور سے عبدالحکیم تک بند ہا۔موٹروے ایم 4 گوجرہ سے شورکوٹ اور موٹروے ایم 11 کامونکی نارووال انٹرچینج سے سمبڑیال تک بند کردی گئی ہے۔
