اسلام آباد (این این آئی) محکمہ موسمیات نے ملک بھر میں آئندہ ہفتے سے طوفانی بارشوں کی پیشگوئی کردی۔ محکمہ موسمیات کے مطابق 28 سے 31 مئی تک آزاد کشمیر بھر میں شدید بارش کا امکان ہے، سرگودھا، چیچہ وطنی، بہاولنگر اورخانیوال سمیت پنجاب کے مختلف علاقوں میں بارش سے موسم خوشگوار ہوگیا۔
اسٹیٹ ڈیزاسٹر مینجمنٹ اتھارٹی نے آزاد کشمیرمیں نے نئی ایڈوائزری جاری کردی ہے، پہاڑی علاقوں میں لینڈ سلائیڈنگ کا خطرہ ہے، شدید بارش سے ندی نالوں میں پانی کی سطح بلند ہو سکتی ہے، ایڈوائزری میں کہا گیا ہے کہ سیاح اور مقامی لوگ سفر سے محتاط کریں۔محکمہ موسمیات کے مطابق (آج) اتوار سے ملک کے بالائی اور مغربی علاقوں میں ہوائیں داخل ہوں گی جو 31 مئی تک بارشوں کا سبب بنیں گی۔
