اسلام آباد (این این آئی) نادرا نے پی ٹی آئی رہنمائوں کے شناختی کارڈ بلاک کرنے کی تردید کردی۔ترجمان نادرا نے کہا ہے کہ نادرا نے ایسا کوئی ایکشن نہیں لیا نہ ہی کسی کورٹ نے احکامات جاری کیے ہیں،
شناختی کارڈ بلاک کرنے کا ایک مکمل قانونی پروسیجر ہوتا ہے۔ترجمان نے کہا کہ ابھی تک نہ کوئی ایسی کارروائی ہوئی ہے نہ وزارت داخلہ نے احکامات جاری کیے ہیں، شناختی کارڈ سے متعلق افواہیں نہ پھیلائی جائیں۔
