اسلام آباد (این این آئی)سابق وزیراعظم شاہد خاقان عباسی نے (ن) لیگ چھوڑنے کا فیصلہ کرلیا ۔نجی ٹی وی کے مطابق سابق وزیراعظم وسینئر لیگی رہنماء شاہد خاقان عباسی نے اپنے حلقے کے لوگوں سے مشاورت کے بعد (ن) لیگ چھوڑنے کا فیصلہ کیا ہے
جس کا باقاعدہ اعلان چند روز میں پریس کانفرنس کے دوران کیے جانے کا امکان ہے۔ذرائع کے مطابق شاہد خاقان عباسی نے الیکشن سے قبل اپنی پوزیشن واضح کرتے ہوئے کہا ہے کہ اگر (ن) لیگ نے کسی ورکر کوٹکٹ دی تو حمایت کروں گا، اس کے علاوہ سپورٹ نہیں ہوگی۔انہوں نے کہا کہ کسی اور جماعت میں نہیں جائوں گا، الیکشن کے بعد نئی جماعت بنا سکتا ہوں۔
