بنگلہ دیش، اپوزیشن کا احتجاج، حسینہ واجد سے مستعفی ہونے کا مطالبہ

ڈھاکا(این این آئی)بنگلہ دیش میں اپوزیشن کی کال پر ہزاروں افراد دارالحکومت ڈھاکا کی سڑکوں پر نکل آئے۔غیرملکی خبررساں ادارے کے مطابق ڈھاکا میں ہونے والی احتجاجی ریلی میں شریک مظاہرین نے وزیراعظم شیخ حسینہ واجد کی حکومت کے خلاف نعرے بازی کی اور حکومت سے مستعفی ہونے کا مطالبہ بھی کیا۔بنگلہ دیش میں عام انتخابات 7 جنوری کو ہوں گے، اپوزیشن جماعت بی این پی انتخابات کے بائیکاٹ کا اعلان کرچکی ہے۔