کویت سٹی(این این آئی)کویتی کابینہ نے ولی عہد شیخ مشعل الاحمد الجابر الصباح کو ملک کا امیر مقرر کر دیا ہے۔کویتی نیوز ایجنسی کے مطابق کویتی کابینہ نے شیخ نواف الحمد الجابر الصباح کی وفات پر گہرے دکھ اور رنج کا اظہار کرتے ہوئے 40 دن سوگ کا بھی اعلان کیا ۔کابینہ نے کہا کہ ملک کے تمام سرکاری ادارے تین دن تک بند رہیں گے۔ کابینہ کے مطابق شیخ نواف نے ملک اور قوم کے لیے جلیل القدر خدمات انجام دی ہیں۔
