لاہور( این این آئی )سینئر قانون دان لطیف کھوسہ نے کہا ہے کہ میں سمجھتا تھا کہ میں پیپلز پارٹی میں ہوں، اسی ہفتے پی ٹی آئی میں شمولیت سے متعلق فیصلہ کروں گا۔نجی ٹی وی سے گفتگو کرتے ہوئے لطیف کھوسہ نے کہا کہ اپنے اور اعتزاز احسن کے بارے میں آصف زرداری کی رائے کا احترام کرتا ہوں۔
انہوں نے کہا کہ پارٹی چیئرمین یا صدر اگر سمجھتے ہیں کہ میں پارٹی میں نہیں تو ٹھیک ہے، اگر آصف زرداری کہتے ہیں کہ میں پارٹی میں نہیں ہوں تو میں نہیں ہوں۔میں بھٹو شہید اور بینظیر کی جماعت میں تھا جس کا نظریہ عوامی حمایت تھا۔لطیف کھوسہ سے سوال کیا گیا کہ پاکستان تحریک انصاف میں شمولیت کی بات ہو رہی ہے، کیا یہ دعوے درست ہیں؟کا جواب دیتے ہوئے لطیف کھوسہ نے کہا کہ میری فیملی، دوست اور ہمنوائوں کا اصرار ہے اس لیے اسی ہفتے فیصلہ کر رہا ہوں۔
