کراچی (این این آئی)پاکستان شوبز انڈسٹری کی خوبرو اداکارہ یمنی زیدی کی ڈیبیو فلم نایاب نام یاد رکھنا کا ٹریلر جاری کر دیا گیا۔میڈیا رپورٹ کے مطابق انسٹاگرام پر فلم ’نایاب نام یاد رکھنا‘ کے آفیشل پیچ اور اداکار یمنی زیدی نے مشترکہ پوسٹ شیئر کر کے ٹریلر جاری کرنے کا اعلان کیا۔یمنی زیدی نے اپنی پہلی فلم کا ٹریلیر شیئر کرتے ہوئے پوسٹ کے کیپشن میں لکھا کہ انتظار ختم ہوا، جس کا آپ کو بے صبری سے انتظار تھا،
اس سنیمیٹک سفر نایاب کو پیش کر رہے ہیں۔انہوں نے بتایا کہ فلم کی شوٹنگ کراچی میں ہوئی ہے اور فلم کے مرکزی کردار نایاب اور اکبر ہیں، فلم کی کہانی کرکٹ کے گرد گھومتی ہے، یہاں کرکٹ صرف کھیل نہیں بلکہ زندگی ہے۔اداکارہ نے بتایا کہ 26جنوری کو فلم سنیما گھروں کی زینت بننے گی۔اداکارہ کو ڈیبیو فلم کے ٹریلیر لانچ پر مبارک باد دیتے ہوئے ان کے سابق ہیرو وہاج علی نے انسٹا گرام اسٹوری شیئر کی اور نیک خواہشات کا اظہار کیا ہے۔
