لاہور( این این آئی)پاکستان مسلم لیگ (ن) استحکام پاکستان پارٹی کی قیادت کی ملاقات کی اندرونی کہانی سامنے آ گئی ۔ ذرائع کے مطابق مسلم لیگ (ن) اور آئی پی پی کے درمیان سیٹ ایڈجسٹمنٹ پر اصولی اتفاق ہو گیا ہے ،کتنی نشستوں پر سیٹ ایڈ جسٹمنٹ ہو گی اس کے لئے پارٹی رہنمائوں کی ملاقاتوںکے مزید دور ہوں گے۔
بتایا گیاہے کہ شہباز شریف اور جہانگیر ترین کی ملاقات میں رانا ثنااللہ خان ،سردار ایاز صادق اورعون چوہدری بھی شریک ہوئے ۔ پارٹی ذرائع کے مطابق اصولی طور پر دونوںجانب سے سیٹ ایڈجسٹمنٹ پر اتفاق ہے، دونوں جماعتوں میں لاہور، ساہیوال، لودھراں، رحیم یار خان سمیت دیگر حلقوں میں سیٹ ایڈجسٹمنٹ کا امکان ہے ۔ ذرائع کے مطابق کن حلقوں پرایک دوسرے کی مدد کی جائے گی اس کا فیصلہ اگلی ملاقاتوں میں پیپر ورک کے ساتھ طے ہو گا۔
