اسلام آباد (این این آئی)حکومت پاکستان نے کووڈ 19 کے حوالے سے تمام سفری پابندیاں ہٹا لیں۔وفاقی وزارت صحت حکام کے مطابق حج درخواستیں جمع کرانے کے لیے کورونا ویکسینیشن سرٹیفکیٹ جمع کرانے کی ضرورت نہیں۔ حکام کے مطابق مختلف بینک حج درخواستوں کے ساتھ کرونا ویکسینیشن سرٹیفکیٹ بھی مانگ رہے ہیں جو ضروری نہیں۔

حکام کے مطابق حج پر روانگی سے پہلے سعودی حکومت کی ہدایات کی روشنی میں نئی ایڈوائزری جاری کریں گے۔ این سی او سی نے کہاکہ پاکستان میں داخلے کے لیے کووڈ ویکسینیشن سرٹیفکیٹ کی ضرورت نہیں ہوگی،پاکستان آنے والے افراد کو بھی کورونا نیگٹو ٹیسٹ رپورٹ پیش کرنے کی ضرورت نہیں۔ این سی اوسی کے مطابق سفری پابندیاں ہٹانے کا فیصلہ عالمی ادارہ صحت کی گائیڈ لائنز کی روشنی بھی کیا گیا۔این سی اوسی کے مطابق پاکستانی ایئرپورٹس اور پوائنٹس آف اینٹری پر دو فیصد کورونا ٹیسٹنگ بھی ختم کر دی گئی،ایئرپورٹس پر وبائی امراض کے حوالے سے نگرانی جاری رہے گی۔