ممبئی (این این آئی)بالی ووڈ اداکارہ گوہر خان نے بچے کی پیدائش کے بعد 10 دنوں میں 10 کلو وزن کم کر کے اپنے فالوورز کو حیران کر دیا ہے۔بھارتی رئیلیٹی شو بگ باس سیزن 7 کی فاتح، 39 سالہ گوہر خان کی جانب سے حال ہی میں سوشل میڈیا اکاؤنٹ انسٹاگرام پر ایک اسٹوری شیئر کی گئی ہے۔
اس اسٹوری میں گوہر خان نے اپنی مِرر سیلفی شیئر کرتے ہوئے اپنے مداحوں کو بتایا ہے کہ انہوں نے 10 دنوں میں 10 کلو وزن کم کر لیا ہے، اب بس 6 کلو مزید کم کرنا باقی رہ گیا ہے۔گوہر خان کا اسٹوری کو شیئر کرنا ہی تھا کہ بھارتی سوشل میڈیا پیجز کی جانب سے اسے خوب شیئر کیا گیا اور یہ خبر جنگل کی آگ کی طرح پھیل گئی۔
گوہر خان کے 10 دنوں میں 10 کلو وزن کم کرنے پر وزن کم کرنے کے خواہشمند انٹرنیٹ صارفین گوہر خان سے ڈائیٹ پلان اور اتنی تیزی سے وزن کم کرنے کا طریقہ کار پوچھ رہے ہیں۔یاد رہے کہ اداکارہ گوہر خان اور ٹک ٹاکر زید دربار کی شادی دسمبر 2020ء میں کوویڈ19 کے دوران ہوئی تھی۔اداکارہ گوہر خان کے ہاں رواں ماہ 10 مئی کو بیٹے کی پیدائش ہوئی ہے، یہ اداکارہ کی پہلی اولاد ہے۔
