لاہور( این این آئی)پاکستان چھوڑنے والے غیر قانونی طور پر مقیم افغان باشندوں کی مجموعی تعداد 4 لاکھ سے تجاوز کر گئی۔حکومتی ڈیڈ لائن کے بعد غیر قانونی افغان باشندوں کی وطن واپسی کا سلسلہ جاری ہے، گزشتہ روز 3776افراد واپس افغانستان گئے جن میں 1232مرد، 1178خواتین اور 1366بچے شامل ہیں۔
گاڑیوں میں 612خاندانوں کی اپنے وطن واپسی عمل میں لائی گئی جس کے بعد بے دخل ہونے والے افغان باشندوں کی تعداد 4لاکھ 2ہزار 312ہوگئی ہے۔رپورٹ کے مطابق پاکستان نے زور و زبردستی کے بغیر افغان باشندوں کو ملک چھوڑنے کا حکم دیا جب کہ افغان باشندوں کو دیگر ممالک میں منتقل کرنے میں اہم کردار بھی ادا کیا۔
