راولپنڈی(این این آئی)آرمی چیف جنرل سیدعاصم منیر نے کہاہے کہ پاکستان سعودی عرب کے ساتھ اسٹریٹجک اور برادرانہ تعلقات کو اہمیت دیتا ہے۔آئی ایس پی آر کے مطابق آرمی چیف جنرل سیدعاصم منیر سے سعودی رائل فورسز کے کمانڈر لیفٹیننٹ جنرل فہد نے جی ایچ کیو میں ملاقات کی جس میں باہمی دلچسپی کے امور اور دفاعی شعبے میں تعاون پر تبادلہ خیال کیاگیا۔
ملاقات کے دوران آرمی چیف نے گفتگو کرتے ہوئے کہاکہ پاکستان سعودی عرب کے ساتھ اسٹریٹجک اور برادرانہ تعلقات کو اہمیت دیتا ہے۔آئی ایس پی آ رکے مطابق ملاقات میں فوجی تربیت، علاقائی صورتحال اور مشرق وسطی میں جاری تنازعات پرگفتگوکی گئی۔بیان کے مطابق سعودی رائل فورسزکے کمانڈر لیفٹیننٹ جنرل فہد نے دہشت گردی کے خلاف جنگ میں پاک فوج کے کردار کی تعریف کی اورخطے میں امن کیلئے پاک فوج کی قربانیوں کوخراج تحسین پیش کیا۔آئی ایس پی آرکے مطابق قبل ازیںسعودی کمانڈر کو جی ایچ کیو پہنچنے پر پاک فوج کے چاق و چوبند دستے نے گارڈ آف آنر پیش کیا۔
