ریاض(این این آئی )سعودی وزیر حج و عمرہ ڈاکٹر توفیق الربیعہ نے کہا ہے کہ مکہ مکرمہ میں ان دنوں موسم انتہائی خوشگوار ہے۔غیرملکی خبررساں ادارے کے مطابق سعودی وزیر ڈاکٹر توفیق الربیعہ کا کہنا تھا کہ عمرے کی ادائیگی کے لیے اتوار، منگل اور بدھ کو رش کم ہوتا ہے۔
ان کے مطابق عمرے کے لیے بہتر وقت صبح ساڑھے7 سے ساڑھے 10 اور رات 11 سے 2 بجے کا ہوتا ہے۔سعودی وزیر کا کہنا تھا کہ رش سے بچنے والے عمرہ زائرین ان اوقات میں پرسکون طریقے سے عمرے کی سعادت حاصل کر سکتے ہیں۔واضح رہے کہ بزرگ عمرہ زائرین سمیت ہر مسلمان کی خواہش ہوتی ہے کہ وہ رش سے بچ کر بہت ہی احترام اور پرسکون انداز میں عمرہ ادا کر سکے۔
