مقبوضہ غزہ(این این آئی)ایندھن کی قلت اور مواصلات کی بندش کی وجہ سے اقوام متحدہ کی غزہ کو امدادی سامان کی فراہمی ایک بار پھر معطل ہو گئی۔امداد نہ ملنے کے نتیجے میں بھوک کا شکار اور بے گھر ہزاروں فلسطینی شہریوں کی مشکلات بڑھ گئیں۔
برطانوی خبر رساں ادارے کے مطابق اقوام متحدہ کے ورلڈ فوڈ پروگرام (ڈبلیو ایف پی)نے کہا کہ خوراک کی فراہمی میں کمی کی وجہ سے شہریوں کو فاقے کے فوری خدشے کا سامنا ہے۔اقوام متحدہ نے کہا کہ ایندھن کی قلت اور مواصلاتی رابطے نہ ہونے کی وجہ سے جمعے کو سرحد پار سے کوئی امدادی کارروائی نہیں ہو گی۔
