پاکستان میں ہر شعبے میں میرٹ کو نظر انداز کیا جاتا ہے، سویرا شیخ

لاہور( این این آئی)اداکارہ و ماڈل سویرا شیخ نے کہا ہے کہ پاکستان میں ہر شعبے میں میرٹ کو نظر انداز کیا جاتا ہے ،حال ہی میں سنسر بورڈ تشکیل دیا گیا ہے اس میں بھی میرٹ کو بالکل نظر انداز کیا گیا ہے ، توقیر ناصر ٹی وی کے اداکار ہیں اور ان کا فلم کا کوئی تجربہ نہیں لیکن انہیں چیئرمین بنا دیا گیا ہے۔

ایک انٹر ویو میں انہوں نے کہا کہ فلم سنسر بورڈ کے لئے بلکہ اسی شعبے سے بندے کو لینا چاہیے ۔اس کے لئے شاہد ،سید نور ،الطاف حسین ، پرویز کلیم، ناصر ادیب ، اشفاق کاظمی جیسے لوگ موجود ہیں جنہیں نظر انداز کر کے غیر متعلقہ لوگوں کو چیئرمین بنانا سمجھ سے بالا تر ہے ۔