لاہور (این این آئی)پی سی بی نے نے سابق ٹیسٹ کرکٹر توصیف احمد کو عبوری چیف سلیکٹر مقرر کردیا۔پی سی بی کی جانب سے جاری بیان کے مطابق سابق ٹیسٹ کرکٹر توصیف احمد کو عبوری چیف سلیکٹر مقرر کردیاگیا ہے جبکہ وجاہت اللہ واسطی کو جونیئر سلیکشن کمیٹی کا سربراہ مقرر کیا گیا ہے ۔
توصیف احمد کی سربراہی میں سلیکشن کمیٹی کا پہلا اسائنمنٹ دورہ آسٹریلیا کیلئے ٹیم کا انتخاب ہے۔توصیف احمد اور وجاہت اللہ واسطی دونوں سلیکشن کمیٹی کے اراکین ہیں، اراکین میں سینئرز کو عبوری چیف سلیکٹرز کی ذمہ داریاں سونپی گئی ہیں۔قومی مینز سلیکشن کمیٹی میں وجاہت اللہ واسطی اور وسیم حیدر شامل ہیں۔جونیئر سلیکشن کمیٹی میں عامر نذیر، جاوید حیات، محمود حامد، نوید لطیف، سلمان احمد اور ثنا بلوچ شامل ہیں جبکہ نئی سلیکشن کمیٹی 6 اکتوبر کو تشکیل دی گئی تھی۔
