لندن(این این آئی)سعودی عرب کی اہم فضائی کمپنی ریاض ائیر نے اعلان کیا ہے کہ آنے والے چند ہفتوں میں کمپنی مناسب تعداد میں نیرو باڈی پلین حاصل کرے گی۔ نیرو باڈی طیارے 2025 میں ٹیک آف کرنے کے لیے تیار ہوں گے۔
غیرملکی خبررساں ادارے کے مطابق یہ بات سٹارٹ اپ ائیرلائن کے انتظامی سربراہ نے لندن میں ایک انٹرویو کے دوران بتائی۔ ٹونی ڈگلس اس سے پہلے اتحاد ائیرویز کے سربراہ رہ چکے ہیں۔ ان کی خدمات مارچ میںریاض ائیرکی سربراہی کے لیے حاصل کی گئی ہیں۔ڈگلس نے کہا کہ نیرو باڈی جلد ہمارے پاس ہوں گے۔ ہم جلد اپنی نیرو باڈی طیاروں کے لیے مہم کو جلد مکمل کر لیں گے۔ امکانی طور پر ہم اگلے چند ہفتوں میں اس کا اعلان کرنے کی پوزیشن میں ہوں گے۔
