مسقط(این این آئی)سلطنت عمان کی جانب سے اسرائیلی پروازوں کیلئے فضائی حدود بند کر دی گئی۔غیرملکی میڈیا کے مطابق اس اقدام سے اسرائیل کی قومی ایئرلائن ایلال کی ایشیائی ممالک کیلئے پروازوں کو تاخیر کا سامنا کرنا پڑے گا۔اسرائیلی فضائی کمپنی کی ایشیائی ممالک کیلئے سفر کرنے والوں کو پیشگی اطلاع دے دی گئی ہے۔غیرملکی میڈیا کا کہنا تھا کہ عمانی بندش کی وجہ سے اسرائیلی پروازوں کو 3، 3گھنٹے تک تاخیر کا سامنا کرنا پڑے گا۔
