بیجنگ(این این آئی)چین کی کمپنیوں بائیدو اور علی بابا نے اپنے آن لائن ڈیجیٹل نقشوں سے اسرائیل کا نام ہٹادیا۔غیرملکی میڈیاکے مطابق وال اسٹریٹ جرنل کی رپورٹ نے بتایاکہ اسرائیل کا نام ان کمپنیوں کے آن لائن نقشوں پراب موجود نہیں۔
رپورٹ میں کہا گیا کہ بائیدو کے آن لائن نقشے اسرائیل کی تسلیم شدہ سرحدوں کیساتھ ساتھ فلسطینی علاقوں کی نشاندہی کررہے ہیں لیکن ملک کی شناخت کے طور پر اسرائیل کا نام موجود نہیں۔رپورٹ کے مطابق لکسمبرگ جیسے چھوٹے ملک کا نام آن لائن نقشوں پر موجود ہے،چین کی کمپنیوں کی جانب سے اس کی کوئی وضاحت پیش نہیں کی گئی ہے۔
